အသင်းတော် ခြောက်သွေ့ခြင်းကို ဖြေရှင်းရန် နည်းလမ်းကို ကျွန်ုပ်ရှာတွေ့သည် (၂)
အင်ဒိုင်း၊ တောင်ကိုရီးယား
ဤနှုတ်ကပတ်တော်များသည် ထိုသို့သော သြဇာအာဏာကို သယ်ဆောင်သဖြင့် ဘုရားသခင်၏ အသံတော် ဖြစ်ရပေမည်
ညီမ ဂျင် မိတ်သဟာယပြုခဲ့သည့် အရာမှာ အလွန်ဆန်းသစ်ပြီး သစ်လွင်သည်၊ ဘာသာတရားထဲတွင် ယခင်က ကျွန်မ လုံးဝမကြားဖူးသည့် အရာများဖြစ်သည်ကို ကျွန်မ ခံစားခဲ့ရသည်။ သူမ၏ မိတ်သဟာယမှတဆင့်၊ ယခင်က ကျွန်မ နားမလည်ခဲ့သည့် သမ္မာကျမ်းစာထဲက ကျမ်းချက်များစွာကို ကျွန်မ နားလည်လာခဲ့ပြီး၊ သူမကို ကျွန်မ အလွန်လေးစားမိပါသည်။ ကျွန်မက သူမကို၊ “ညီမ၊ သခင့်ကို အစ်မတို့အားလုံး ယုံကြည်ကြတယ်လေ၊ ဒီတော့ ဘယ်လိုဖြစ်ပြီး အသင်းတော်တွေထဲက ခြောက်ကပ်မှုအတွက် အကြောင်းရင်းတွေအကြောင်းကို ညီမက အရမ်းကို ရှင်းရှင်းလင်းလင်း မိတ်သဟာယပြုနိုင်တာလဲ။ ပြီးတော့၊ ဘုရားသခင်ရဲ့ အမှုတော်သစ်ကို အစ်မတို့ ဘယ်မှာ သွားရှာနိုင်လဲ” ဟု မေးလိုက်သည်။
ဤအချိန်တွင်၊ ညီမ ကာအိုက၊ “အစ်မ၊ ကျမ်းပိုဒ်အနည်းငယ်ကို အရင်ဆုံး ဖတ်ကြရအောင်ပါ၊ ပြီးရင် အစ်မ နားလည်သွားပါလိမ့်မယ်”ဟု ဆိုလေသည်။ ညီမက ဖတ်ရှုပါသည်၊ “ဘုရားသခင်သည် ဤအချက်အား ပြီးမြောက်စေမည် ဖြစ်သည်- သူသည် စကြဝဠာ တစ်လျှောက်လုံးရှိ လူအားလုံးကို သူ့ရှေ့မှောက်သို့ လာစေကာ ကမ္ဘာကြီးပေါ်၌ ဘုရားသခင်ကို ကိုးကွယ်စေလိမ့်မည်ဖြစ်ပြီး၊ အခြားနေရာများရှိ သူ၏ အမှုသည် ရပ်စဲလိမ့်မည်ဖြစ်ကာ လူများသည် မှန်ကန်သော လမ်းခရီးကို ရှာဖွေရန် တွန်းအားပေးခံရလိမ့်မည်။ ယင်းသည် ယောသပ်ကဲ့သို့ ဖြစ်လိမ့်မည်- သူထံ၌ စားစရာများ ရှိသည့်အတွက်၊ အယောက်တိုင်းသည် အစားအစာအတွက် သူ့ထံလာကြပြီး သူ့ရှေ့၌ ဦးညွှတ်ကြသည်။ ငတ်မွတ်ခေါင်းပါးခြင်းကို ရှောင်ရှားဖို့ရန်အလို့ငှာ၊ လူများသည် မှန်သော လမ်းခရီးကို ရှာဖွေရန် တွန်းအားပေးခံရလိမ့်မည်။ ဘာသာရေးအသိုင်းအဝိုင်း တစ်ခုလုံးသည် ပြင်းထန်သော ငတ်မွတ်ခေါင်းပါးခြင်းကို ခံစားရလိမ့်မည်ဖြစ်ပြီး၊ ယနေ့၏ ဘုရားသခင် တစ်ပါးတည်းသာ အသက်စမ်းရေတွင်း ဖြစ်သည်၊ လူ၏ မွေ့လျော်မှုအတွက် ထောက်ပံ့သည့် အစဉ်စီးဆင်းသော စမ်းရေတွင်းကို ပိုင်ဆိုင်ကာ လူများသည် သူ့ထံလာပြီး မှီခိုကြလိမ့်မည်။”
“ငါသည် ငါ၏ ဘုန်းတော်ကို ဣသရေလတို့ကို ပေးပြီးနောက် ပြန်ယူလိုက်၏၊ ထို့နောက် ဣသရေလလူမျိုးတို့အား အရှေ့အရပ်သို့ ခေါ်ဆောင်ခဲ့ပြီး လူသားမျိုးနွယ် တစ်ရပ်လုံးကို အရှေ့အရပ်သို့ ခေါ်ဆောင်ခဲ့၏။ ၎င်းတို့အားလုံး အလင်းနှင့် ပြန်လည်စည်းလုံး၍ ပေါင်းသင်းကာ၊ ယင်းကို ရှာဖွေခြင်း မပြုရတော့ရန်အလို့ငှာ၊ ငါသည် ၎င်းတို့ကို အလင်းထံ ခေါ်ဆောင်လာခဲ့သည်။ ရှာဖွေနေသူ အားလုံးအား အလင်းကို တစ်ဖန် ပြန်မြင်စေပြီး ဣသရေလတွင် ငါ၌ရှိခဲ့သော ဘုန်းတော်ကို မြင်စေမည်။ ရှေးလွန်လေပြီးသော ကာလက လူသားမျိုးနွယ်အကြား မိုးတိမ်ဖြူပေါ်မှ ငါကြွဆင်းခဲ့ကြောင်း သူတို့အားမြင်စေမည်၊ မရေတွက်နိုင်သော မိုးတိမ်ဖြူများ၊ ပြွတ်သိပ်လျက်ရှိသည့် အသီးများကို သူတို့အား မြင်စေမည့်အပြင် ဣသရေလ၏ ယေဟောဝါ ဘုရားသခင်ကို တွေ့စေမည်။ ယုဒလူမျိုးတို့၏ အရှင်၊ လူတို့တောင့်တနေသည့် မေရှိယနှင့် ခေတ်အဆက်ဆက် ရှင်ဘုရင်များ၏ ညှဉ်းပန်းခြင်းခံခဲ့ရသည့်ငါ၏ ရုပ်သွင်အပြည့်အဝကို ကြည့်စေမည်။ နောက်ဆုံးသောကာလတွင် ငါ၏ဘုန်းတော်နှင့် ငါ၏ ဆောင်ရွက်ချက် အားလုံးကို လူသားအား ထုတ်ဖော်ပြလျက်၊ ငါသည် စကြဝဠာတစ်ခုလုံး အပေါ် အမှုပြုပြီး ကြီးစွာသော အမှုကို ဆောင်ရွက်မည်။ ယုဒပြည်တွင် ငါ၏ဘုန်းတော် မရှိစေတော့ရန် ငါသည် ငါ၏ဘုန်းတော်ကို ရှေးကာလက ယူလိုက်ပြီး အရှေ့အရပ်သို့ ယူဆောင်ခဲ့ပြီးဖြစ်ကြောင်း အားလုံး သိစေခြင်းအလို့ငှာ၊ ငါ့ကို နှစ်ပေါင်းများစွာ စောင့်မျှော်ခဲ့သူများ၊ မိုးတိမ်ဖြူပေါ်မှ ငါကြွလာရန် တောင့်တခဲ့သူများ၊ ငါတစ်ဖန် ပေါ်ထွက်ရန် တောင့်တခဲ့သည့် ဣသရေလနှင့် ငါ့ကို နှိပ်စက်ညှဉ်းပန်းသည့် လူသားမျိုးနွယ် တစ်ခုလုံးအား ဘုန်းကြီးသော ငါ၏မျက်နှာ အပြည့်အဝ ပြမည်။ အကြောင်းမှာ နောက်ဆုံးသောကာလသည် ရောက်နှင့်ပြီး ဖြစ်သောကြောင့်ပင်တည်း။”
သူမ ဖတ်ရှုခြင်း ပြီးစီးပြီးနောက်၊ ဤစကားများက အလွန့်အလွန် ဆန်းသစ်ပြီး သစ်လွင်သည်၊ ဘုရားသခင်၏ သြဇာအာဏာ နှင့် တန်ခိုးတို့ကို သယ်ဆောင်ပြီး မည်သူမဆို ပြောနိုင်သည့် စကားများ မဟုတ်ကြောင်းကို ကျွန်မ ခံစားမိခဲ့သည်။ ထို့ကြောင့် ကျွန်မက ညီမကို၊ “ဒီစကားတွေက ဘယ်က လာတာလဲ။ အရင်က အဲဒီလို စကားတွေကို အစ်မ မကြားဖူးဘူး” ဟု မေးလိုက်သည်။
ညီမ ကာအိုက စိတ်လှုပ်ရှားစွာဖြင့်၊ “အစ်မ၊ သတင်းကောင်းတစ်ချို့ကို အစ်မကို ပြောမယ်နော်။ ကျွန်မတို့ တောင့်တခဲ့ကြတဲ့ သခင်ယေရှုဟာ လူ့ဇာတိခံ အနန္တတန်ခိုးရှင် ဘုရားသခင်အဖြစ် ပြန်ကြွလာပါပြီ၊ ပြီးတော့ သမ္မာတရားများစွာကို သူ ဖော်ပြပြီး နိုင်ငံတော်ခေတ် အမှုတော်ဖြစ်တဲ့ ဘုရားအိမ်တော်က အစပြုတဲ့ တရားစီရင်ခြင်း အမှုကို သူ ဆောင်ရွက်နေပါတယ်။ ဒါက ကျမ်းစာဆိုင်ရာ ပရောဖက်ပြုချက်တွေကို တိတိကျကျ ပြည့်စုံစေပါတယ်- ‘သင်တို့အား ငါပြောစရာ စကားအများ ရှိသော်လည်း၊ သင်တို့သည် ယခုမခံနိုင်ကြ။ သမ္မာတရားနှင့်ပြည့်စုံသော ထိုဝိညာဉ်တော်သည် ရောက်လာသောအခါ၊ သမ္မာတရားကို သင်တို့အား အကြွင်းမဲ့ သွန်သင်ပြလိမ့်မည်။ ထိုဝိညာဉ်တော်သည် ကိုယ်အလိုအလျောက်ဟောပြောမည်မဟုတ်။ ကြားသမျှတို့ကို ဟောပြောလိမ့်မည်။ နောင်လာလတ္တံ့သောအရာတို့ကိုလည်း သင်တို့အား ဖော်ပြလိမ့်မည်။’ (ရှင်ယောဟန်ခရစ်ဝင် ၁၆:၁၂-၁၃) ‘ငါ့ကိုပယ်၍ငါ့စကားကို နာမခံသောသူအားအပြစ်စီရင်သောသူရှိသေး၏။ ငါဟောပြောသော စကား ပင် နောက်ဆုံးသောနေ့၌ ထိုသူအားအပြစ်စီရင်လိမ့်မည်။’ (ရှင်ယောဟန်ခရစ်ဝင် ၁၂:၄၈) ‘ဘုရားသခင်၏အိမ်တော်သားတို့ကို ရှေ့ဦးစွာစစ်ကြောစီရင်ရသော အချိန်ရှိပြီ။’ (ရှင်ပေတရုသြဝါဒစာပဌမစောင် ၄:၁၇) အနန္တတန်ခိုးရှင် ဘုရားသခင်က သန်းချီ နှုတ်ကပတ်တော်တွေကို ဖော်ပြခဲ့ပြီ၊ ကျမ်းစာထဲမှာရှိတဲ့ နက်နဲမှုများစွာကို ထုတ်ဖော်ပြပြီးပြီ၊ ပြီးတော့ သူ့ရဲ့ အနှစ်ခြောက်ထောင် စီမံခန့်ခွဲမှု အစီအစဉ်နဲ့ပတ်သက်တဲ့ အတွင်းပိုင်း ဇာတ်ကြောင်း၊ ကောင်းနိုင်ငံတော်ထဲကို ကျွန်မတို့ ဘယ်လိုဝင်နိုင်တယ်ဆိုတာနဲ့ လူသားမျိုးနွယ်အတွက် အဆုံးသတ်နဲ့ နောက်ဆုံး ခရီးပန်းတိုင်လို အမှုအရာတွေကို သူက ကျွန်မတို့ကို ပြောပြီးပြီ။ အနန္တတန်ခိုးရှင် ဘုရားသခင်ရဲ့ နာမတော်နဲ့ ကျွန်မတို့ ဆုတောင်းပြီး ဘုရားသခင်ရဲ့ အမှုတော်သစ်ကို အမီလိုက်သရွေ့၊ သိုးသငယ်ရဲ့ ခြေလှမ်းတွေကို အမှီလိုက်မှာဖြစ်ပြီး ကျွန်မတို့ရဲ့ ခြောက်ကပ်တဲ့ ဝိညာဉ်တွေဟာ အားဖြစ်ပြီး ရေလောင်းခံရမှာဖြစ်ပါတယ်။ ကျွန်မဖတ်လိုက်တဲ့ ကျမ်းပိုဒ်နှစ်ပိုဒ်က အနန္တတန်ခိုးရှင် ဘုရားသခင် ဖော်ပြထားတဲ့ နှုတ်ကပတ်တော်တွေဖြစ်ပါတယ်၊ ပြီးတော့ ကျွန်မတို့ မိတ်သဟာယပြုခဲ့တဲ့ ဘာသာရေး လောကထဲက ခြောက်သွေ့မှုအတွက် အကြောင်းရင်းတွေကလည်း ဘုရားသခင်ရဲ့ နှုတ်ကပတ်တော်တွေထဲမှာ ထုတ်ဖော်ပြထားတာပါ။ ဒါက ဘုရားသခင်ရဲ့ အနန္တတန်ခိုးရှိခြင်းနဲ့ ပညာဉာဏ်ကို တွေ့မြင်ခွင့်ပေးပြီး၊ သူက သမ္မာတရားကို ချစ်တဲ့သူတွေနဲ့ သူ့ရဲ့ ပေါ်ထွန်းခြင်းကို တမ်းတသူတွေကို မဖယ်ရှားဘဲ၊ အဲဒီအစား ကျွန်မတို့က သူ့ရဲ့အလိုတော်ကို သဘောပေါက်ဖို့နဲ့ သူ့ရဲ့ ခြေလှမ်းတွေကို ရှာဖွေဖို့ ကျွန်မတို့ရဲ့ ဝိညာဉ်ရေးရာ ငတ်မွတ်ခေါင်းပါးခြင်းကို သူ အသုံးပြုခဲ့တယ်ဆိုတာကို မြင်ခွင့်ပေးပါတယ်။ သူက ဘယ်ဂိုဏ်းဂဏမဆိုထဲက သမ္မာတရားကို အမှန်တကယ် ချစ်တဲ့သူအားလုံးနဲ့ ဘုရားသခင်ကို သူ့ရဲ့ ပလ္လင်တော်ရှေ့မှာ စိတ်ရင်းအတိုင်း ယုံကြည်ကြတဲ့သူတွေကို ဦးဆောင်ဖို့ ဒါကို လုပ်ဆောင်တာဖြစ်ပါတယ်၊ ပြီးတော့ ဘုရားသခင်ရဲ့ အသံတော်ကို နားဆင်ပြီး နောက်ဆုံးသော ကာလ သူ့ရဲ့ အမှုတော်ကို လက်ခံတဲ့သူတွေပဲ သန့်ရှင်းသော ဝိညာဉ်တော်ရဲ့ အလုပ်ကို ပြန်ရရှိနိုင်တယ်၊ ပလ္လင်တော်ကနေ စီးဆင်းတဲ့ အသက်ရေရဲ့ အထောက်အပံ့ကို ရနိုင်သလို ခြောက်ကပ်မှုကို နောက်မှချန်ထားနိုင်ပါတယ်။ တစ်ယောက်ယောက်က ဘုရားသခင်ရဲ့ နောက်ဆုံးသောကာလ အမှုတော်ကို ငြင်းပယ်ရင်၊ ဘုရားနှုတ်ကပတ်တော်တွေရဲ့ ပြစ်တင်ဆုံးမမှုနဲ့ တရားစီရင်ခြင်းကို တွေ့ကြုံဖို့နဲ့ သန့်စင်ခံရဖို့ အခွင့်ရှိမှာမဟုတ်သလို၊ ကောင်းကင်နိုင်ငံတော်ထဲကို ဝင်ရောက်ဖို့ သူတို့ရဲ့ အခွင့်အရေးကို ထာဝရ ဆုံးရှုံးကြရမှာ ဖြစ်ပါတယ်။”
ညီမ ကာအို ပြောသည့်အရာကို နားထောင်ပြီးနောက်တွင်၊ ကျွန်မ ဖော်ပြလို့ရသည့် စိတ်လှုပ်ရှားမှု အာရုံတစ်ခုကို ကျွန်မ ခံစားခဲ့ရသည်။ အိပ်မက်မက်နေခဲ့သလို ကျွန်မ ခံစားခဲ့ရသည်- သခင် အမှန်တကယ် ပြန်ကြွလာပေပြီ။ ဘုရားသခင်က သမ္မာတရားကို ဖော်ပြခြင်းကြောင့် မဟုတ်လျှင်၊ အသင်းတော်များထဲက ခြောက်ကပ်ခြင်းအတွက် အကြောင်းရင်းများကို မည်သူက နားလည်နိုင်ခဲ့လိမ့်မည်နည်း။ ကျွန်မကို သူတို့ ဘုရားကျောင်းဆီ ခေါ်သွားဖို့ ညီအစ်မများကို တောင်းဆိုရန် မစောင့်နိုင်အောင်ဖြစ်ခဲ့ပြီး၊ သူတို့ နှစ်ဦးလုံးက၊ “ဘုရားသခင်ရဲ့ ကျေးဇူးတော်ကို ချီးမွမ်းပါတယ်၊ ဘုရားသခင်ရဲ့ သိုးက သူ့ရဲ့ အသံတော်ကို ကြားပြီ” ဟု ဆိုခဲ့ပါသည်။
အနန္တတန်ခိုးရှင် ဘုရားသခင် အသင်းတော်ကို ကျွန်မ လာခဲ့ပြီးသည့်နောက်တွင်၊ ညီအစ်ကို မောင်နှများထံမှာ နွေးနွေးထွေးထွေး ကြိုဆိုမှုကို ကျွန်မ ရခဲ့ပြီး သူတို့က ဘုရားသခင်၏ အမှုတော် အဆင့်သုံးဆင့်နှင့်ဆိုင်သော အတွင်းပိုင်းဇာတ်ကြောင်းနှင့် ဘုရားသခင့် နာမတော်၏ အရေးပါမှုတို့အပေါ် အသေးစိတ် မိတ်သဟာယပြုပေးခဲ့ကြပါသည်။ ကျွန်မ နားထောင်သည့်အချိန်တွင်၊ ကျွန်မ နှလုံးသားထဲတွင် ပြင်းပြသော မီးလျှံ စတင်တက်လာပြီး ကျွန်မ နားထောင်လေလေ၊ ပိုနားထောင်ချင်လေလေ ဖြစ်ခဲ့သည်။ ညီအစ်ကို မောင်နှမများ၏ စေ့စပ်သော မိတ်သဟာယမှတဆင့်၊ လူသားမျိုးနွယ်ကို ကယ်တင်ဖို့ရန်အလို့ငှာ ဘုရားသခင်သည် သူ၏ အနှစ်ခြောက်ထောင် စီမံခန့်ခွဲမှု အစီအစဉ်ကို စတင်ခဲ့ပြီး အဆင့်တစ်ခုချင်းစီက ယခင်အဆင့်တစ်ခုထက် ပိုမို မြင့်မာပြီး ပိုမိုနက်နဲခြင်းဖြင့် အမှုတော် အဆင့်သုံးဆင့်ကို သူ ဆောင်ရွက်သည်ကို ကျွန်မ နားလည်လာခဲ့သည်။ ရွေးနုတ်ခြင်း အမှုကို ဆောင်ရွက်ခြင်းအားဖြင့်၊ သခင်ယေရှုက လူသားမျိုးနွယ်ကို ပညတ်တရား၏ ကျေးကျွန်ဘဝမှ ကယ်တင်ခဲ့သော်လည်း၊ ကျွန်မတို့၏ အပြစ်များ ဖြစ်ရသည့်အရင်းအမြစ်ကို မဖြေရှင်းခဲ့သောကြောင့် နေ့အချိန်တွင် အပြစ်ပြုပြီး ညတွင် ဝန်ချသည့် အခြေအနေတစ်ခုတွင် ကျွန်မတို့ အသက်ရှင်ကြဆဲဖြစ်ပါသည်။ ယခုတွင်၊ အနန္တတန်ခိုးရှင် ဘုရားသခင်သည် နောက်ဆုံးသောကာလတွင် ကြွလာပြီဖြစ်ပြီး သခင်ယေရှု၏ ရွေးနုတ်ခြင်း အမှုတော်၏ အခြေခံအုတ်မြစ်ပေါ် အခြေပြုကာ ဘုရားအိမ်တော်က အစပြုသည့် တရားစီရင်ခြင်း အမှုတော် အဆင့်တစ်ခုကို ဆောင်ရွက်နေပါသည်၊ ပြီးလျှင် လူကို အပြစ်တရား၏ ချည်နှောင်မှုများကို လုံးလုံးလျားလျား ဖယ်ရှားနိုင်စေဖို့ရန်၊ သန့်စင်ခံရဖို့ရန်နှင့် စစ်မှန်သော ကယ်တင်ခြင်းကို ရယူနိုင်စေဖို့ရန် သမ္မာတရားုအားလုံးကို သူဖော်ပြနေပါသည်။ ညီအစ်ကို မောင်နှမများက “ကောင်းမြတ်သော ကာနန်ပြည်ထဲက ပျော်ရွှင်မှု”ဟု ခေါ်သည့် အကဗွီဒီယိုတစ်ခုကိုလည်း ကျွန်မအတွက် ဖွင့်ပေးခဲ့ကြပြီး ဗွီဒီယိုထဲက ညီအစ်ကို မောင်နှများ ပျော်ရွှင်စွာနှင့် ပူပင်ကြောင့်ကြမဲ့စွာ ကခုန်နေကြသည်ကို ကျွန်မ ကြည့်ရှုခဲ့ရသည်။ သခင့်ကို အရင်ဆုံး စယုံကြည်ခဲ့သည့် အချိန်ကို ကျွန်မ ပြန်ရောက်သွားသကဲ့သို့ ကျွန်မနှလုံးသား တို့ထိခံခဲ့ရပါသည်၊ ပြီးလျှင် အလွန်ရှည်ကြာစွာ မိုးခေါင်ခဲ့ပြီး နွေဦးမိုးရေအားဖြင့် ရုတ်တရက် ရေလောင်းခံရကာ အဟာရရရှိသည့် ပျိုးပင်တစ်ပင်အလား ကျွန်မ ပျော်မွေ့မှုကို ခံစားခဲ့ရသည်။ ကျွန်မ အလွန်စိတ်လှုပ်ရှားမိခဲ့သည်၊ ကျွန်မ၏ မျက်လုံးများက မျက်ရည်များနှင့် ပြည့်လျှမ်းနေခဲ့ပြီး ကျွန်မ နှလုံးသားထဲတွင် သခင့်ကို ဆက်ကာ ကျေးဇူးတင်မိခဲ့သည်။ ပြန်ဖို့ အချိန်ရောက်လာခဲ့သည့်အခါ၊ ညီအစ်ကို မောင်နှမများက “သိုးသငယ်ဖွင့်သည့် စာစောင်” ဟု အမည်ရသည့် စာအုပ်တစ်အုပ်ကို ကျွန်မကို ပေးခဲ့ပြီး ကျွန်မ အိမ်ပြန်ရောက်သည့်အခါ ကောင်းကောင်းဖတ်ရန် ပြောခဲ့ကြသည်။
အိမ်ကို ကျွန်မ ပြန်သွားသည့်အချိန်တွင်၊ ကျွန်မ၏ စိတ်လှုပ်ရှားမှုကို တည်ငြိမ်စေဖို့ခက်သည်ကို ကျွန်မတွေခဲ့ရပြီး၊ “ဒါတကယ်အမှန်ပဲလား၊ သခင့်ကို ကျွန်မ တကယ် ကြိုဆိုနိုင်မှာလား။ ဟု ကျွန်မ တွေးခဲ့သည်။ ယခင်က ကျမ်းစာကို ကျွန်မ ဖတ်သည့်အချိန်တွင်၊ သခင်ယေရှုနောက်လိုက်သည့် တပည့်တော်များကို ကိုယ်တော်၏ အသံတော် ကြားနိုင်ကြသည့်အဖြစ်အတွက် အမြဲအလွန် အားကျမိခဲ့ပါသည်။ ကျွန်မ၏ စိတ်ဆန္ဒ အမှန်တကယ် ဖြစ်လာနိုင်မည်လော။” ထို့နောက် “သိုးသငယ်ဖွင့်သည့် စာစောင်” မှ ကျမ်းတစ်ပိုဒ်ကို ကျွန်မ ဖတ်ခဲ့သည်- “ငါ့ကို တစ်ချိန်က ယေဟောဝါဟု သိရှိခဲ့ကြသည်။ ငါ့ကို မေရှိယဟုလည်း ခေါ်ခဲ့ကြပြီး၊ လူတို့က ချစ်ခြင်းမေတ္တာနှင့် ရိုသေကြည်ညိုမှုဖြင့် ငါ့ကို ကယ်တင်ရှင်ယေရှုဟု တစ်ချိန်က ခေါ်ခဲ့ကြသည်။ သို့သော်လည်း ယနေ့တွင် ငါသည် လူအများက အတိတ်ကာလများတွင် သိခဲ့ကြသည့် ယေဟောဝါ သို့မဟုတ် ယေရှု မဟုတ်တော့ပေ။ ငါသည် နောက်ဆုံးသောကာလတွင် ပြန်ကြွလာပြီး ဖြစ်သည့် ဘုရားသခင်၊ ခေတ်ကို အဆုံးသတ်မည့် ဘုရားသခင် ဖြစ်ပေသည်။ ငါသည် မြေကြီးစွန်းမှ ထမြောက်တော်မူသော၊ ငါ၏အလုံးစုံသော စိတ်သဘောထားနှင့် ပြည့်ဝသကဲ့သို့၊ သြဇာအာဏာ၊ ဂုဏ်သိက္ခာ၊ ဘုန်းအာနုဘော်တို့နှင့် ပြည့်ဝနေသော ဘုရားသခင် ကိုယ်တော်တိုင် ဖြစ်သည်။ လူတို့သည် ငါနှင့် မည်သည့်အခါမျှ မဆက်ဆံဖူးပေ၊ ငါ့ကို မည်သည့်အခါမျှ မသိကျွမ်းဖူးကြသကဲ့သို့၊ ငါ၏စိတ်သဘောထားကို အမြဲတစေ မသိနားမလည် ဖြစ်ကြသည်။ ကမ္ဘာမြေကြီးကို ဖန်ဆင်းခြင်းမှသည် ယနေ့ထိတိုင်၊ လူတစ်ဦးတစ်ယောက်မျှ ငါ့အား မမြင်ဖူးလေပြီ။ ဤသည်မှာ နောက်ဆုံးသောကာလ၌ လူသားထံ ပေါ်ထွန်းသော်လည်း၊ လူသားအလယ် ကွယ်ဝှက်သည့် ဘုရားသခင် ဖြစ်ပေသည်။ သူသည် လောင်ကျွမ်းနေသော နေမင်းနှင့် တောက်လောင်နေသော မီးလျှံကဲ့သို့၊ တန်ခိုးနှင့်ပြည့်ကာ သြဇာအာဏာဖြင့် ပြည့်လျှမ်းလျက်၊ လူသားအလယ် အမှန်တကယ်နှင့် စစ်မှန်စွာ နေထိုင်လျက် ရှိသည်။ ငါ၏နှုတ်ကပတ်တော်များအားဖြင့် တရားစီရင်ခြင်း မခံရမည့် လူ သို့မဟုတ် အမှုအရာ တစ်ခုမျှ မရှိသကဲ့သို့၊ မီးလျှံ၏ လောင်ကျွမ်းခြင်းမှတစ်ဆင့် သန့်စင်ခြင်း မခံရမည့် လူ သို့မဟုတ် အမှုအရာ တစ်ခုမျှ မရှိပေ။ နောက်ဆုံးတွင် တိုင်းနိုင်ငံအားလုံးသည် ငါ့နှုတ်ကပတ်တော်များကြောင့် ကောင်းချီးပေးခံရမည် ဖြစ်ပြီး ငါ့နှုတ်ကပတ်တော်များကြောင့်လည်း တစ်စစီ ကြေမွပျက်စီး သွားလိမ့်မည် ဖြစ်သည်။ ဤနည်းဖြင့် နောက်ဆုံးသောကာလ အတွင်းရှိ လူအားလုံးက ငါသည် ပြန်ကြွလာသည့် ကယ်တင်ရှင် ဖြစ်ပြီး၊ လူသားမျိုးနွယ်အားလုံးကို သိမ်းပိုက်သော အနန္တတန်ခိုးရှင် ဘုရားသခင် ဖြစ်သည်ကို တွေ့မြင်ကြပေမည်။ ပြီးလျှင် ငါသည် တစ်ချိန်က လူသားအတွက် အပြစ်ဖြေရာယဇ် ဖြစ်ခဲ့သော်လည်း၊ နောက်ဆုံးသောကာလတွင် ခပ်သိမ်းသောအရာတို့ကို မီးရှို့ဖျက်ဆီးသည့် နေမင်း၏ မီးတောက်မီးလျှံများလည်း ဖြစ်လာသည့်အပြင်၊ ခပ်သိမ်းသောအရာတို့ကို ထုတ်ဖော်ပြသည့် ဖြောင့်မတ်ခြင်း၏ နေမင်းလည်း ဖြစ်လာသည်ကို အားလုံး တွေ့မြင်ရလိမ့်မည်။ ဤသည်မှာ နောက်ဆုံးသောကာလ၌ ငါ၏အမှု ဖြစ်သည်။” ဤစကားများသည် သြဇာအာဏာနှင့် တန်ခိုးတို့ကို သယ်ဆောင်ပြီး မည်သည့် သာမန်လူကမျှ ၎င်းတို့ကို ပြောနိုင်မည်မဟုတ်ဟု ကျွန်မခံစားရသည်။ ဘုရားသခင်ကလွဲ၍၊ သူ၏ နေရာတွင် မည်သူက ပြောဆိုဝံ့လိမ့်မည်နည်း။ ကျွန်မ စိတ်နှလုံးထဲတွင်၊ ဤစကားများက ဘုရားသခင်၏ နှုတ်ကပတ်တော်များဖြစ်သည်ဟု ကျွန်မ သေချာလာခဲ့သည်။ ကျွန်မ အလွန် စိတ်လှုပ်ရှားမှုကို ခံစားခဲ့ရသည်။ သခင် အမှန်တကယ် ပြန်ကြွလာပေပြီ။ ဘုရားသခင်သည် အစအဦးနှင့် နောက်ဆုံးဖြစ်သည်၊ ခေတ်သစ်ကို သူဆောင်ကျဉ်းနိုင်ပြီး ခေတ်များကို အဆုံးတစ်ခုသို့ ပို့နိုင်သည်။ ညီအစ်မများ မိတ်သဟာယပြုခဲ့ကြသည့် အမှုတော်၏ အဆင့်သုံးဆင့်— ပညတ်တော်ခေတ်၊ ကျေးဇူးတော်ခေတ် နှင့် နိုင်ငံတော်ခေတ်— တို့ကို တစ်ပါးတည်းသော ဘုရားသခင်က အားလုံးဆောင်ရွက်ခဲ့ခြင်းဖြစ်ပြီး အနန္တတန်ခိုးရှင် ဘုရားသခင်သည် ပြန်ကြွလာသည့် သခင်ယေရှု ဖြစ်ပါသည်။ အဖိုးတန်ရတနာအချို့ကို ရှာတွေ့လိုက်သကဲ့သို့ ကျွန်မ ခံစားရင်း ဘုရားသခင်၏နှုတ်ကပတ်တော် စာအုပ်ကို ကျွန်မ ရင်ဘတ်တွင် ဆုပ်ကိုင်ထားမိခဲ့ပြီး၊ ဤလမ်းခရီးကို လေးလေးနက်နက် လေ့လာဆန်းစစ်မည်ဟု ကျွန်မ ဆုံးဖြတ်လိုက်ပါသည်။
သခင်၏ ပြန်ကြွလာခြင်းကို ဝမ်းမြောက်စွာ ကျွန်မ ကြိုဆိုပြီး အသက်ရေစီးရာ စမ်းရေတွင်း၏ အထောက်အပံ့ကို ရရှိသည်
နောက်အပတ်များတွင်၊ကျွန်မ နေ့တိုင်း ဘုရားကျောင်းတက်ခဲ့ပြီး အနန္တတန်ခိုးရှင် ဘုရားသခင်၏ နှုတ်ကပတ်တော်များမှာ ဖြစ်လိမ့်မည်ဟု ကျွန်မတွေးထင်ခဲ့သည့် အရာနှင့် ထို့ထက်ပို၍ အမှန်တကယ် အရာခပ်သိမ်းဖြစ်သည်ကို ကျွန်မ တွေ့ခဲ့ရသည်။ လူ၏ ဖောက်ပြန်ပျက်ဆီးသည့် အနှစ်သာရကို ထုတ်ဖော်ပြသည့် ကျမ်းပိုဒ်များ၊ အသိပေး၊ အကြံပေးသည့်၊ ခွန်အားပေးပြီး နှစ်သိမ့်သည့် ကျမ်းပိုဒ်များနှင့် လူတို့ကို လက်တွေ့လုပ်ဆောင်ဖို့ လမ်းကြောင်းများကို ပြသသည့် ကျမ်းပိုဒ်များ၊ စသဖြင့် ရှိပါသည်။ ဘုရားသခင်က သန့်ရှင်းသော ဝိညာဉ်တော်၏ ရှုထောင့်မှဖြစ်စေ စကားပြောနေသည်ဖြစ်စေ၊ လူသား၏ ရှုထောင့်မှ စကားပြောနေသည်ဖြစ်စေ၊ သူ၏ နှုတ်ကပတ်တော်များက လူသားမျိုးနွယ်ကို ကယ်တင်ဖို့ သူ၏ တပတ်တကုတ် ကြိုးစားအားထုတ်မှုများကို အတိုဆုံးနှင့် အရှင်းဆုံး ဖော်ပြပါသည်။ ကျွန်မ၏ အရင်ဘုရားကျောင်းက ဝတ်ပြုအစည်းအဝေးများ တက်ခဲ့သည့် အချိန်၊ သင်းအုပ်ဆရာက သူ၏ တရားဒေသနာကို စတင်လိုက်သည်နှင့်တပြိုင်နက် ကျွန်မ အိပ်ချင်မူးတူးဖြစ်ခဲ့ပုံနှင့် ကျမ်းစာထဲကို အာရုံလုံးဝ မရောက်နိုင်ခဲ့ပုံတို့ကို ကျွန်မ ပြန်တွေးမိခဲ့သည်။ ယခု ဘုရားသခင်၏ နှုတ်ကပတ်တော်များနှင့်အတူ၊ ၎င်းတို့ကို ကျွန်မ ပိုဖတ်လေ၊ ပိုမိုအားရှိလေလေ ခံစားရပြီး၊ ကျွန်မ၏ နှလုံးသားထဲတွင် အလင်းပိုမိုပြည့်လာသည်။ ထို့အပြင်၊ ဘုရားကျောင်းတွင် ဝတ်ပြုအစည်းအဝေးများကို ကျွန်မ တက်ရောက်သည့်အခါ၊ ညီအစ်ကို မောင်နှများနှင့်အတူတကွ ဘုရားသခင်၏ နှုတ်ကပတ်တော်များနှင့်ဆိုင်သော ကျွန်မတို့၏ အတွေ့အကြုံများနှင့် အသိပညာများကို ကျွန်မ မိတ်သဟာယပြုခဲ့သည်၊ နေ့တစ်ရက်စီတိုင်းတွင် အလင်းသစ်ကို ကျွန်မ တွေ့ကြုံနေရသလို ခံစားခဲ့ရပြီး ကျွန်မနှလုံးသားထဲတွင် အင်မတန်လွတ်မြောက်မှုနှင့် ပျော်မွေ့မှုတို့ကို ကျွန်မ ခံစားခဲ့ရသည်။ ယခု သန့်ရှင်းသော ဝိညာဉ်တော်က ဆောင်ယူလာခဲ့သည့် ပျော်မွေ့ခြင်းနှင့် ပျော်ရွှင်ခြင်းတို့ကို ကျွန်မ ကြုံတွေ့နေရသကဲ့သို့၊ ဤအရာက ယခင် အသင်းတော်ထဲတွင် သခင့်ကို ကျွန်မ ပထမဆုံး စယုံကြည်ခဲ့သည့်အချိန်က အခြေအနေနှင့် သိသိသာသာ ဆန့်ကျင်ကွဲလွဲမှုကို ဖြစ်စေခဲ့သည်။ ကျွန်မ ဘုရားသခင်ကို ဆုတောင်းချက်တစ်ခု မဆက်ကပ်ဘဲ မနေနိုင်ခဲ့ပါ၊ “အို အနန္တတန်ခိုးရှင် ဘုရားသခင်၊ ကျွန်မရဲ့ ကျေးဇူးတင်ရှိခြင်းနဲ့ ချီးမွမ်းခြင်းတို့ကို ကိုယ်တော့်ထံ ဆက်ကပ်ပါတယ်။ အလွန်အရေးမပါလှတဲ့ ကျွန်မလို လူက ဒီနေ့မှာ ကိုယ်တော်ရဲ့ အသံတော်ကို ကြားနိုင်ရတာဟာ ကျွန်မ ဘဝမှာ ရရှိခဲ့ဖူးသမျှ အကြီးမြတ်သော ကောင်းချီးမင်္ဂလာဖြစ်ပါတယ်။”
နောက်ဆုံးမှာ သန့်ရှင်းသော ဝိညာဉ်တော်၏ အလုပ်နှင့် အဟာရဖြည့် အသက်ရေ၏ အထောက်အပံ့များရှိသည့် အသင်းတော်တစ်ခုကို ရှာတွေ့ဖို့ ကျွန်မကို ဦးဆောင်ခဲ့သော ဘုရားသခင်၏ လမ်းပြမှုကို ကျေးဇူးတင်ပါသည်။ ဘုရားသခင်က ကျွန်မကို ထူမခဲ့ပြီး တစ်လမပြည့်သည့် အချိန်တွင်းတွင်၊ အသင်းတော်ထဲ၌ ကျွန်မ၏ တာဝန်ကို ကျွန်မဆောင်ရွက်ရန် စတင်ခဲ့ပါသည်။ ယခုတွင် နေ့တိုင်း၊ ကျွန်မတွင် အကန့်အသတ်မဲ့ အားအင်ရှိပြီး ကျွန်မ၏ စိတ်ဝိညာဉ်မှာ ငြိမ်သက်ခြင်းနှင့် ဝမ်းမြောက်ခြင်းတို့ဖြင့် ပြည့်နေပါသည်။ ဤအရာအားလုံးမှာ သန့်ရှင်းသော ဝိညာဉ်တော်၏ လုပ်ဆောင်ချက်ကြောင့် ဖြစ်ပါသည်။ အနန္တတန်ခိုးရှင် ဘုရားသခင် ဘုန်းကြီးပါစေ။
အပိုင်း တစ်- အသင်းတော် ခြောက်သွေ့ခြင်းကို ဖြေရှင်းရန် နည်းလမ်းကို ကျွန်ုပ်ရှာတွေ့သည် (၁)
သင်နှစ်သက်နိုင်သည့် အရာများ
အသက်စမ်းရေထဲမှာ ကျွန်မ ပျော်မွေ့ခဲ့ပါပြီ
ကျွန်မတို့မိသားစုက သခင့်ကို ယုံကြည်လာတာ မျိုးဆက်သုံးခုအထိ ရှိပါပြီ။ ကျွန်မလည်း ကိုယ့်မိသားစုနဲ့အတူ ကလေးဘဝကတည်းက ဘုရားကျောင်း စတက်တယ်။ အသက်ကြီးလာတော့ အသင်းတော်မှာ သင်းထောက် လုပ်တယ်။ စာရင်းကိုင်လည်း လုပ်ပေးခဲ့တယ်။ ကျွန်မက သခင့်အတွက် အမြဲတမ်း တက်တက်ကြွကြွ အစေခံခဲ့တာပါ။ ဒါပေမဲ့ အချိန်တွေကြာလာတော့ အသင်းတော်က တဖြည်းဖြည်း ခြောက်ကပ်လာတာကို ကျွန်မ တွေ့တယ်။ သင်းအုပ်နဲ့ အကြီးအကဲတွေကလည်း အကြောင်းအရာဟောင်းတွေပဲ ဟောတယ်၊ အလင်းသစ်ပေးတာ မရှိဘူး။ ကျွန်မတို့ရဲ့ တကယ့် အခက်အခဲတွေ၊ ပြဿနာတွေကို သူတို့က မဖြေရှင်းပေးနိုင်ဘူး။ သခင့်အတွက် သူတို့ အလုပ်လုပ်ခဲ့တာတွေကိုပဲ အမြဲတမ်း ပြောတယ်၊ သူတို့ ဘယ်လောက် ဒုက္ခခံခဲ့တယ်၊ ဘယ်လို အဖိုးအခ ပေးခဲ့တယ်ဆိုတာတွေပဲ ထုတ်ကြွားကြတာ။ အဲဒါတွေ ကြားရတာ ကျွန်မက […]
သခင်နှင့် ကျွန်ုပ် ပြန်လည်ပေါင်းစည်းသည်
အနန္တတန်ခိုးရှင် ဘုရားသခင် ပြောသည်မှာ- “နောက်ဆုံးသောကာလ၏ ခရစ်တော်သည် အသက် ယူဆောင်လာပြီး၊ အဓွန့်ရှည်စွာ တည်တံ့ကာ ထာဝရတည်ရှိသော သမ္မာတရား၏ လမ်းခရီးကို ယူဆောင်လာ၏။ ဤသမ္မာတရားသည် လူသားက အသက်ရရှိသည့် လမ်းကြောင်းဖြစ်ပြီး၊ လူသားက ဘုရားသခင်ကို သိမည့် တစ်ခုတည်းသော လမ်းကြောင်းနှင့် ဘုရားသခင်၏ လက်ခံခြင်းခံရမည့် တစ်ခုတည်းသော လမ်းကြောင်းဖြစ်၏။ နောက်ဆုံးသောကာလ၏ ခရစ်တော်ပေးသည့် အသက်၏လမ်းခရီးကို သင်မရှာဖွေပါက၊ သင်သည် သမိုင်း၏ ရုပ်သေးရုပ်ရော အကျဉ်းသားပါ ဖြစ်သည့်အတွက်၊ ယေရှု၏ လက်ခံမှုကို မည်သည့်အခါမျှ သင် ရရှိမည်မဟုတ်သကဲ့သို့၊ ကောင်းကင်နိုင်ငံတော်၏ တံခါးကိုဝင်ရန် မည်သည့်အခါမျှ အရည်အချင်းမီမည် မဟုတ်ပေ။ စည်းမျဉ်းစည်းကမ်းများ၊ ကျမ်းဟောင်းတရားများ၏ ထိန်းချုပ်မှုခံရပြီး၊ သမိုင်း၏ ချုပ်နှောင်မှုခံရသူများသည် မည်သည့်အခါတွင်မျှ အသက်ကို ရရှိနိုင်လိမ့်မည် မဟုတ်သကဲ့သို့၊ အသက်၏ […]
ဒုစရိုက်မှလွတ်မြောက်ပြီး ကောင်းကင်နိုင်ငံသို့ဝင်ရောက်နိုင်မည့်လမ်းစဉ်ကို ရှာတွေ့ပြီဖြစ်သည်။ (၁)
ချန်းအိုင်း၊ တရုတ်ပြည်နယ် ကျွန်တော် ငယ်ငယ်ကတည်းက သခင့်အပေါ် ကျွန်တော့် မိဘများ၏ ယုံကြည်မှုနောက်သို့ ကျွန်တော် လိုက်လျှောက်ခဲ့ပြီး၊ ယခု အိုမင်းမှုက ကျွန်တော့်ရှေ့တွင် သိသာထင်ရှားစွာ မြင်နေရလေသည်။ ကျွန်တော့် တစ်သက်လုံး သခင့်ကို ယုံကြည်ခဲ့သော်လည်း၊ မိမိကိုယ်ကိုယ် အပြစ်မှ ဖယ်ရှားရန် နှင့် ကောင်းကင်နိုင်ငံတော်သို့ ဝင်ရောက်ရန် နည်းလမ်းနှင့် ပတ်သက်သည့် ပြဿနာသည် ကျွန်တော့်ကို လမ်းပျောက်ပြီး နာကျင်စေ လျက် အမြဲတမ်း အံ့သြတုန်လှုပ်ခြင်း ဖြစ်စေသည့် ဖြေရှင်းမရနိုင်သော ပဟေဠိတစ်ခုဖြစ်ခဲ့သည်။ ကျွန်တော့် အချိန် ကျရောက်လာသည့်အခါ တွင် ကျွန်တော့် အသက်တာသည် စုံလင်ပြီး၊ မိမိ၏နှလုံးသားတွင် ငြိမ်သက်မှုဖြင့် သခင့်ကို နောက်ဆုံးတွင် တွေ့နိုင်သည် ဆိုသည့် အသိဖြင့် သေခြင်းတရားကို ရင်ဆိုင်နိုင်ရန်၊ မိမိကိုယ်ကိုယ် အပြစ်မှ […]
