သခင်ပြန်ကြွလာခြင်းနှင့်ပတ်သက်သည့် သမ္မာကျမ်းစာ - သခင်ကိုကြိုဆိုဖို့ မဖြစ်မနေဖတ်ရမည်။
နောက်ဆုံးခေတ်ကာလတွင် သခင်သည် ကျွန်ုပ်တို့ကို ဘယ်လိုနည်းလမ်းဖြင့် လာကြိုဆိုမည်နည်း။သခင်ပြန်ကြွလာခြင်းနှင့်ပတ်သက်သည့် သမ္မာကျမ်းစာ (၁၀)ချက်ကိုဖတ်ပြီး သခင်ပြန်ကြွလာမည့်နည်းလမ်းကို နားလည်နိုင်မည်။သခင်ပြန်ကြွလာခြင်းကို ကြိုဆိုပါ။
၁။ သခင်ပေါ်လွင်အောင်ပြန်ကြွလာခြင်း၏ ပရောဖက်ပြုချက်
ဗျာဒိတ်ကျမ်း ၁:၇
ကြည့်ရှုလော့။ မိုးတိမ်နှင့်တကွ ကြွလာတော်မူသည်ဖြစ်၍၊ ကိုယ်တော်ကို ထိုးဖောက်သော သူတို့နှင့် ရှိသမျှသောသူတို့သည် ကိုယ်တော်ကို ရှုမြင်ရကြလိမ့်မည်။ မြေကြီးသားအမျိုးမျိုးရှိသမျှတို့သည် ကိုယ်တော်ကြောင့် ငိုကြွေးမြည်တမ်းရကြလိမ့်မည်။ မှန်ပေ၏။ အာမင်။
ရှင်မဿဲခရစ်ဝင် ၂၄:၂၉
ထိုကာလ၏ ဒုက္ခဆင်းရဲခြင်းနောက် ရုတ်ခနဲ နေသည်မိုက်လိမ့်မည်။ လသည် အရောင်ကိုမပေး။ ကြယ်တို့သည် ကောင်းကင်မှ ကျကြလိမ့်မည်။ ကောင်းကင်တန်ခိုးတို့သည် တုန်လှုပ်ကြလိမ့်မည်။
ရှင်မဿဲခရစ်ဝင် ၂၄:၃၀
ထိုအခါ လူသား၏နိမိတ်လက္ခဏာသည် ကောင်းကင်၌ထင်ရှားလိမ့်မည်။ မြေကြီးပေါ်မှာ လူအပေါင်း တို့သည် ငိုကြွေးမြည်တမ်းကြ၍၊ လူသားသည်ကြီးစွာသော ဘုန်းတန်ခိုးအာနုဘော်ကိုဆောင်လျက်၊ မိုဃ်းတိမ် ကိုစီး၍ ကြွလာတော်မူသည်ကိုမြင်ရကြလိမ့်မည်။
ရှင်လုကာခရစ်ဝင် ၂၁:၂၅-၂၇
ထိုအခါ၊ နေ၊ လ၊ ကြယ်နက္ခတ်တို့၌ ပုပ္ပနိမိတ်ထင်ရှားလိမ့်မည်။ မြေကြီးပေါ်မှာလည်း လူအမျိုးမျိုး မငြိမ်မသက်စိုးရိမ်ကြောင့်ကြခြင်း၊ သမုဒ္ဒရာလှိုင်းတံပိုးကြီးခြင်း၊ မြေကြီးပေါ်မှာ ဖြစ်လတံ့သော ဘေးများကိုမြော်၍ ကြောက်လန့်သဖြင့်၊ လူများတို့၏ အသက်ဆုံး ခြင်းအမှုအရာတို့သည် ဖြစ်ကြလိမ့်မည်။ အကြောင်းမူကား၊ ကောင်းကင်တန်ခိုးတို့သည် တုန်လှုပ်ကြလိမ့်မည်။ ထိုအခါ လူသားသည် ကြီးစွာသောဘုန်းတန်ခိုးအာနုဘော်ကို ဆောင်လျက်၊ မိုးတိမ်ကို စီးလျက် ကြွလာသည်ကို မြင်ရကြလိမ့်မည်။
၂။သခင်တိတ်ဆိတ်စွာပြန်ကြွလာခြင်း၏ ပရောဖက်ပြုချက်
ရှင်မဿဲခရစ်ဝင် ၂၅:၆
သန်းခေါင်ယံ၌ကြည့်ပါ။ မင်္ဂလာဆောင်လုလင်သည် လာပြီ။ ခရီးဦးကြိုပြုခြင်းငှါ ထွက်သွားကြကုန်ဟု ကြွေးကြော်လျှင်။
ဗျာဒိတ်ကျမ်း ၃:၃
ထိုကြောင့်၊ သင်သည်ခံယူ၍ နားထောင်ပြီးသည်အရာကို အောက်မေ့၍ စောင့်ရှောက်လော။ နောင်တရလော့။ စောင့်၍ မနေလျှင် သူခိုးကဲ့သို့ သင်ရှိရာသို့ ငါလာမည်။ လာမည့်အချိန်နာရီကိုလည်း သင်မသိရ။
ဗျာဒိတ်ကျမ်း ၁၆:၁၆
အသံတော်ကား၊ သူခိုးကဲ့သို့ ငါလာ၏။ အဝတ် အချည်းစည်းနှင့် သွားလာ၍ သူတပါးရှေ့၌ ရှက်စရာ အကြောင်း မရှိစေခြင်းငှါ နိုးလျက်နေ၍၊ ကိုယ်အဝတ်ကို စောင့်သောသူသည် မင်္ဂလာရှိ၏။
ဗျာဒိတ်ကျမ်း ၃:၂၀
ငါသည်တံခါးရှေ့မှာရပ်၍ ခေါက်လျက်နေ၏။ အကြင်သူသည် ငါ၏အသံကို ကြား၍တံခါးကိုဖွင့်အံ့၊ ထိုသူရှိရာသို့ငါဝင်၍ သူနှင့်အတူ စားသောက်မည်။ သူသည်လည်းငါနှင့်အတူ စားသောက်ရလိမ့်မည်။
ရှင်လုကာခရစ်ဝင် ၁၇:၂၄-၂၅
ကောင်းကင်တဘက်မှ ပြက်သောလျှပ်စစ်သည် ကောင်းကင်အနှံ့အပြား ထွန်းလင်းသကဲ့သို့၊ လူသားသည် မိမိနေ့ရက်၌ ဖြစ်တော်မူလတံ့။ ထိုသို့မဖြစ်မှီ သူသည် များစွာသောဆင်းရဲဒုက္ခကိုလည်းကောင်း၊ ယခုလူမျိုး၏ ငြင်းပယ်ခြင်းကိုလည်းကောင်း ခံရမည်။
သင်နှစ်သက်နိုင်သည့် အရာများ
Myanmar Gospel Crosstalk - သခင်က အမှန်တကယ် ဘယ်လို ကြွလာသလဲ
နောက်ဆုံးသောကာလတွင် သခင်ယေရှု ပြန်လည်ကြွလာခြင်းအား စောင့်ဆိုင်းနေကြသည့် ခရစ်ယာန်များ၏ စိတ်ခံစားချက်မှာ ပို၍ ပြင်းထန်လာနေသည်။ သို့သော် သခင်သည် မည်ကဲ့သို့သော ပုံစံဖြင့် ပြန်လာမည်နည်း။ အချို့က ပြောသည်၊ “သခင်ယေရှုက မိုးတိမ်ကို စီးပြီး ကြွလာလိမ့်မယ်။” တခြားလူတွေက ဤသို့ ပြောပြန်သည်၊ “ကိုယ်တော် ကြွလာခြင်းကို ဟောကိန်းထုတ်ထားတဲ့ ပရောဖက်ပြုချက်တွေမှာ ဒီလို ဖော်ပြထားတယ်၊ ‘ကြည့်ရှုလော့ သူခိုးကဲ့သို့ ငါလာ၏။’ (ဗျာဒိတ်ကျမ်း ၁၆:၁၅)၊ ‘ထိုသို့မဖြစ်မီ သူသည် များစွာသောဆင်းရဲဒုက္ခကိုလည်းကောင်း၊ ယခုလူမျိုး၏ ငြင်းပယ်ခြင်းကိုလည်းကောင်း ခံရမည်။’ (ရှင်လုကာခရစ်ဝင် ၁၇:၂၅) ‘သန်းခေါင်ယံ၌ကြည့်ပါ။ မင်္ဂလာဆောင်လုလင်သည် လာပြီ။ ခရီးဦးကြိုပြုခြင်းငှာ ထွက်သွားကြကုန်ဟု ကြွေးကြော်လျှင်။’ (ရှင်မဿဲခရစ်ဝင် ၂၅:၆) လူအားလုံး မြင်စေဖို့အတွက် မိုးတိမ်စီးပြီး ကြွလာမယ်ဆိုရင်၊ ကိုယ်တော်က တိတ်တဆိတ် […]
ကိုယ်တော်ပြန်ကြွလာချိန်တွင် တံခါးကို သခင်မည်သို့ ခေါက်မည်နည်း
ကျန်းဇီ တရုတ်ပြည် ရှိယန်ရမ် သည် သခင့်ကို ယုံကြည်ခဲ့သည်မှာ နှစ်ပေါင်း များစွာ ကြာမြင့်ခဲ့ပြီ။ စစ်မှန်သည့် ယုံကြည်သူများ ဖြစ်သည့် ညီအစ်ကို မောင်နှမများ အားလုံးကဲ့သို့ပင် သူသည်ကောင်းကင် နိုင်ငံတော်သို့ ချီဆောင်ခံရစေရန် ကိုယ်တော်ပြန်ကြွလာသည်ကို နိုးကြားစွာ ဆက်လက် စောင့်မျှော်နေခဲ့သည်။ တစ်ရက် နံနက်စာစားအပြီး သူသည် သူ့စာကြည့် စားပွဲတွင် ထိုင်နေခဲ့သည်။ အပြင်တွင် နေပူလျက်ရှိပြီး၊ တောက်ပသည့် နေရာင်ခြည်သည် ပြတင်းပေါက်မှ တစ်ဆင့် သူ့ပေါ်သို့ ထိုးနေသည်၊ သူက စိတ်ကောင်းဝင် နေခဲ့သည်။ သူကဓမ္မ သီချင်းစာအုပ်ကို ထပ်မံဖွင့်လိုက်ပြီး၊ ရင်းနှီးသော သံစဉ် များဖြင့် စတင်စိတ်ပြင်းပြစွာ လိုက် သီဆိုခဲ့ သည်။ "လူကောင်းက တံခါး ခေါက်နေ တယ်၊ သူဆံပင်တွေက နှင်းစက်တွေနဲ့ […]
