သခင်ယေရှု၏ စိတ်သဘောထားသည် သနားကရုဏာနှင့် ချစ်ခင်ခြင်းသာ ဖြစ်ပါသလော
လန်းလန်း၊ တရုတ်နိုင်ငံ
သခင်ယေရှုအကြောင်း ကျွန်မတို့ ပြောသည့်အချိန်တိုင်းတွင်၊ ကျွန်မတို့အတွက် သူ၏ အလျှံပယ်ချစ်ခြင်းမေတ္တာကို ကျွန်မတို့အားလုံး စဉ်းစားမိကြသည်၊ သူသည် လူသားမျိုးနွယ်ကို ရွေးနုတ်ဖို့ ကမ္ဘာလောကထဲသို့ ကိုယ်တိုင်ကိုယ်ကျ ကြွလာခဲ့ပြီး ကားတိုင်ပေါ်တွင် ကားစင်တင်ခံခဲ့ရသည့် အပြစ်မဲ့လူတစ်ဦးဖြစ်သည်၊ ဤလုပ်ရပ်က လူသားမျိုးနွယ်အတွက် သူ၏ ချစ်ခြင်းမေတ္တာကို လုံးဝ ပေါ်လွင်စေပါသည်။ သမ္မာကျမ်းစာက၊ “ထိုသနားတော်မူခြင်းကျေးဇူးတော်အားဖြင့်၊ ကောင်းကင်မှနေ အာရုဏ်သည် ငါတို့အပေါ်သို့ တက်သဖြင့်၊ မှောင်မိုက်နှင့်သေမင်း၏ အရိပ်ထဲတွင် ရှိနေသောသူတို့၌ အလင်းပေါ်ထွန်း၍၊ ငါတို့အား ငြိမ်သက် ခြင်းလမ်းကို ပြလျက်ရှိသည်။” (ရှင်လုကာ ၁:၇၈-၇၉) သခင်၏ ကယ်တင်ခြင်းကို လက်ခံသော ခရစ်ယာန်တိုင်းသည် ကျွန်မတို့အပေါ် သူနှင်းအပ်သည့် ပေါများသော ကျေးဇူးတော်ကို မွေ့လျော်ပြီး ကျွန်မတို့အပေါ် သူဆောင်ကျဉ်းလာသည့် ငြိမ်သက်ခြင်းနှင့် ဝမ်းမြောက်မှုတို့ကို ကျွန်မတို့ တွေ့ကြုံကြရပါသည်။ ထို့ကြောင့် လူများစွာက သခင်ယေရှု၏ စိတ်သဘောထားမှာ ထာဝရ ချစ်ခင်တတ်ပြီး သနားကရုဏာစိတ်ရှိသည်ဟု ယုံကြည်ကြသည်။
ဤသည်မှာ နှစ်များစွာ သခင့်ကို ယုံကြည်ပြီးနောက် ကျွန်မ ယုံကြည်သော အရာလည်း ဖြစ်သည်။ သို့သော် ထို့နောက်တွင် သခင်ယေရှုက ဖာရိရှဲများကို ပြစ်တင်မောင်းမဲခဲ့သည့် ကျမ်းပိုဒ်ကို ကျွန်မ ဖတ်လိုက်ရသည်- “ထို့ကြောင့် ငါဆိုသည်ကား၊ ပြစ်မှားသောအပြစ်၊ ဘုရားကိုကဲ့ရဲ့သောအပြစ်အမျိုးမျိုးတို့နှင့် လွတ်စေ ခြင်းအခွင့်ကို လူတို့သည် ရနိုင်ကြ၏။ ဝိညာဉ်တော်ကို ကဲ့ရဲ့သောအပြစ်နှင့်လွတ်စေခြင်းအခွင့်ကို လူတို့သည် မရနိုင်ကြ။ လူသားကို နှုတ်ဖြင့်ပြစ်မှားသောသူ၏အပြစ်ကိုလည်း လွှတ်နိုင်၏။ သန့်ရှင်းသောဝိညာဉ်တော်ကို နှုတ်ဖြင့် ပြစ်မှားသောသူ၏အပြစ်ကို ယခုဘဝနောင်ဘဝ၌ မလွှတ်နိုင်။” (ရှင်မဿဲခရစ်ဝင်ကျမ်း ၁၂:၃၁-၃၂) သခင်ယေရှုက ဖာရိရှဲတို့ကို ရှုတ်ချပြီး ကျိန်ဆဲသည့် ဤနှုတ်ကပတ်တော်များမှ၊ သူတို့အပေါ် ကိုယ်တော်၏ သဘောထားမှာ ရွံရှာခြင်းနှင့် အော့နှလုံးနာခြင်းတစ်ခု ဖြစ်သည်ကို တွေ့ခဲ့ရသည်၊ ပြီးလျှင် ဘုရားသခင်၏ စိတ်သဘောထားမှာ ပုန်ကန်ပြစ်မှားမှုကို သည်းမခံသည်ဘက်လည်းရှိသည်ကို ဤအရာမှ နားလည်ရပါသည်။ ဤနားလည်သဘောပေါက်မှုကို ရှိလာခြင်းဖြင့်၊ ကျွန်မ အလွန် အံ့အားသင့်ခဲ့ရပြီး ကိုယ့်ကိုယ်ကို တွေးမိခဲ့သည်- သခင်ယေရှု၏ စိတ်သဘောထားမှာ သနားကရုဏာ နှင့် ချစ်ခင်ခြင်းသာ မဟုတ်ပဲ ဘုန်းအာနုဘော်နှင့် အမျက်ဒေါသလည်း ဖြစ်နိုင်မည်လား။ ဤကိစ္စရပ်ကို ကျွန်မ လုံးလုံးလျားလျား နားမလည်သောကြောင့်၊ အဖြေကို စတင်ရှာဖွေခဲ့ပါသည်။
တစ်ခဏမျှကြာပြီးနောက်၊ နောက်ဆုံးတွင် ကျွန်မ၏ ရှာဖွေမှုက အကျိုးခံစားခဲ့ရသည့်အတွက် သခင့်ကို ကျေးဇူးတင်ပါသည်။ စာအုပ်တစ်အုပ်မှ နှုတ်ကပတ်တော်စာပိုဒ်အချို့ကို ကျွန်မ တွေ့ခဲ့ရပါသည်- “ပထမဦးစွာ ဘုရားသခင်၏ စိတ်နေသဘောထားသည် ဘုန်းအာနုဘော်နှင့် အမျက်ဒေါသ ဖြစ်ကြောင်းကို ငါတို့သိကြသည်။ သူသည် လူတို့ အလိုရှိသည့်အတိုင်း ထိန်းချုပ်ခြင်းခံရမည့် ရုပ်သေးရုပ်တစ်ခု ဖြစ်ဖို့မဆိုနှင့်၊ တစ်စုံတစ်ဦး၏ သတ်ဖြတ်ခြင်းကို ခံရမည့် သိုးတစ်ကောင် မဟုတ်ပေ။ သူသည် သြဇာပေးခံရမည့် ဘာမျှမရှိသော လေပွေတစ်ခုလည်း မဟုတ်ပေ။ သင်သည် ဘုရားသခင်တည်ရှိကြောင်းကို အမှန်တကယ်ယုံကြည်ပါက၊ သင်၌ ဘုရားသခင်ကို ကြောက်ရွံ့သော စိတ်နှလုံးရှိသင့်ပြီး ဘုရားသခင်၏ အနှစ်သာရမှာ ဒေါသထွက်အောင် လုပ်ရမည့်အရာတစ်ခု မဟုတ်ကြောင်းကို သင် သိသင့်ပေသည်။”
“သူ၏ စိတ်သဘောထားကို အနှောင့်အယှက်ပေးပြီး သူ၏ စီမံအုပ်ချုပ်ရေးဆိုင်ရာ အမိန့်များကို ချိုးဖောက်သော သူတို့အပေါ် ဘုရားသခင်၏ သဘောထားမှာ အဘယ်နည်း။ အလွန်အမင်း စက်ဆုပ်ရွံ့ရှာခြင်းပင်။ သူ၏ စိတ်သဘောထားကို အနှောင့်အယှက်ပေးခြင်းနှင့် ပတ်သက်၍ နောင်တမရသော လူများအားဖြင့် ဘုရားသခင်သည် အလွန်အမင်း ဒေါသထွက်သည်။ ‘ဒေါသထွက်သည်’ ဆိုသည်မှာ ခံစားမှုတစ်ခု၊ စိတ်နေစိတ်ထား တစ်ခုမျှသာ မဟုတ်တော့ပေ၊ ၎င်းသည် ရှင်းလင်းသော သဘောထားတစ်ခုနှင့် အလားတူခြင်းမရှိပေ။ သို့သော်လည်း ဤခံစားမှု၊ ဤစိတ်နေစိတ်ထားက ဤသို့သော လူတို့အတွက် အဆုံးသတ်တစ်ခုကို ဖြစ်ပေါ်စေမည် ဖြစ်သည်- ယင်းက ဘုရားသခင်ကို အလွန်အမင်း စက်ဆုပ်ရွံရှာမှုဖြင့် ပြည့်စေလိမ့်မည် ဖြစ်ပါတကား။”
“လူသားများအတွက် ဘုရားသခင်၏ ချစ်ခြင်းမေတ္တာမှာ ပိုးမွေးသကဲ့သို့သော သို့မဟုတ် အလိုလိုက်ပြီး ပျက်စီးစေသော ချစ်ခြင်းမေတ္တာမျိုး မဟုတ်သကဲ့သို့ လူသားမျိုးနွယ်အပေါ် သူ၏ သနားခြင်းကရုဏာနှင့် သည်းခံခြင်းမှာ အလိုလိုက်ခြင်း သို့မဟုတ် အမှုမဲ့အမှတ်မဲ့ပြုခြင်း မဟုတ်ပေ။ ဆန့်ကျင်ဘက်အနေဖြင့် လူသားများအပေါ် ဘုရားသခင်၏ ချစ်ခြင်းမေတ္တာမှာ အမြတ်တနိုးထားခြင်း၊ သနားကြင်နာခြင်းနှင့် ဘဝကို အလေးထားခြင်းတို့ ပါဝင်သည်၊ သူ၏ သနားခြင်းကရုဏာနှင့် သည်းခံခြင်းသည် လူအပေါ် သူ၏မျှော်မှန်းချက်များကို သိရှိစေပြီး၊ ယင်းတို့မှာ လူသားတို့ အသက်ဆက်ရန်အတွက် လိုအပ်သောအရာပင် ဖြစ်သည်။ ဘုရားသခင်သည် အသက်ရှင်ပြီး အမှန်တကယ် တည်ရှိသည်၊ လူသားမျိုးနွယ်အပေါ် သူ၏သဘောထားမှာ စည်းစနစ်ကျပြီး တရားသေ စည်းမျဉ်းများ တစ်ပွေ့တစ်ပိုက် လုံးဝမဟုတ်ဘဲ၊ ၎င်းမှာ ပြောင်းလဲနိုင်သည်။ လူသားတို့အပေါ် သူ၏ ရည်ရွယ်ချက်များသည် အချိန်နှင့်အမျှ၊ အခြေအနေ ဖြစ်ပေါ်လာသည့်အပေါ် မူတည်ပြီး လူအယောက်စီတိုင်း၏ သဘောထားအလိုက် တဖြည်းဖြည်း ပြောင်းလဲလျက် အသွင်ပြောင်းနေ၏။”
ဤစာပိုဒ်များမှ၊ ဘုရားသခင်သည် ဖန်ဆင်းခြင်း၏ အရှင်ဖြစ်သည်၊ လူသားမျိုးနွယ်အတွက် သူသည် သနားကရုဏာ၊ ချစ်ခြင်းမေတ္တာတို့ဖြင့် ပြည့်သော်လည်း၊ သူသည် ဂုဏ်အသရေလည်း ရှိပြီး ပုန်ကန်ပြစ်မှားမှုတစ်ခုတစ်လေကို သူ၏ စိတ်သဘောထားက သည်းခံဖို့မှာ ဝေးသည်ကို ကျွန်မ နားလည်လာခဲ့သည်။ လူတို့က ဘုရားသခင်ကို မရိုးမဖြောင့် ဆန့်ကျင်ပုန်ကန်ပြစ်မှားပြီး သူနှင့်အတူ ယှဉ်ပြိုင်ကာ သူ့ကို ဆန့်ကျင်သည်ထိပင် ပြုကြသည့်အချိန်တွင်၊ ဘုရားသခင်၏ ပြစ်ဒဏ်ပေးခြင်းက သူတို့အပေါ် ရောက်လာပါသည်။ သို့သော်၊ ဘုရားသခင်၏ နှုတ်ကပတ်တော်များကို လိုက်နာသူ၊ သူ၏ အမှုတော်ကို နာခံသူနှင့် ဘုရားသခင်ကို ကြောက်ရွံ့သော နှလုံးသားရှိသူတို့ပေါ် ဘုရားသခင်သည် ချစ်ခင်တတ်ပြီး ကရုဏာစိတ်ရှိပါသည်။ ဤအရာမှ လူသားအပေါ် ဘုရားသခင်၏ သဘောထားမှာ မပြောင်းလဲနိုင်သောအရာ မဟုတ်ပဲ၊ တကယ်တမ်းတော့ ဘုရားသခင်အဖို့ လူ၏ သဘောထားနှင့်အတူ ထိုအရာက ပြောင်းလဲသည်ကို ကျွန်မတို့ မြင်နိုင်ပါသည်- ဤသည်မှာ ဘုရားသခင်၏ ဖြောင့်မတ်သော စိတ်သဘောထားဖြစ်ပါသည်။
သူ၏ အမှုတော်ကို ဆောင်ရွက်ရန် ကမ္ဘာမြေကို သခင်ယေရှု ကြွလာခဲ့သည့် အချိန်ကို ပြန်တွေးကြည့်သောအခါ၊ သူသည် သမ္မာတရားများစွာကို ဖော်ပြခဲ့ပြီး နမိတ်လက္ခဏာများစွာနှင့် အံ့ဖွယ်ရာများကို ဆောင်ရွက်ခဲ့ပါသည်။ ဖာရိရှဲများ၊ ယဇ်ပရောဟိတ်များ နှင့် ကျမ်းတတ်ပုဂ္ဂိုလ်များက သခင်ယေရှု၏ နှုတ်ကပတ်တော်များနှင့် အမှုတို့က သြဇာအာဏာနှင့် တန်ခိုးတို့ သယ်ဆောင်သည်ကို လုံးဝ သိခဲ့ကြသော်လည်း၊ သူတို့၏ ကိုယ်ပိုင်ရာထူးများနှင့် အသက်မွေးမှုများကို ကာကွယ်ဖို့ ကောလဟလများကို သူတို့ မဆင်မခြင် လုပ်ကြံပြောဆိုကြပြီး သခင်ကို သူတို့ ဝေဖန်ပြီး သွားပုပ်လေလွင့်ပြောဆိုခဲ့ကြသည်၊ ဒီလောက်တောင်ဖြစ်တာမို့ နတ်ဆိုးမင်းကို မှီခိုခြင်းအားဖြင့် နတ်ဆိုးများကို သူနှင်ထုတ်သည်ဟု ဆိုရင်း သခင်ယေရှုကိုပင် သူတို့ ဆန့်ကျင် ပြစ်မှားစော်ကားခဲ့ကြကာ သာမန်လူတို့ကို ကိုယ်တော့်နောက်လိုက်ခြင်းမှ တားဆီးဖို့ သူတို့ ကြိုးစားခဲ့ကြသည်။ သမ္မာတရားကို ရန်လိုပြီး ငြီးငွေ့သော သူတို့၏ သဘောထားသည် ဘုရားသခင်ကို ပုန်ကန်ပြစ်မှားပြီး၊ ယင်းမှာ သခင်ယေရှုက သူတို့ကို မုန်းတီးပြီး သူတို့သည် မြွေ၏ အမျိုးများ နှင့် ငရဲ၏ သားများဖြစ်ကြသည်ဟု ဆိုရင်းဖြင့် ကံဆိုးခြင်းကို ကြုံတွေ့ဖို့ သူတို့ကို ကျိန်ဆဲခဲ့ရသည့် အကြောင်းရင်း ဖြစ်သည်။ ထို့နောက် သခင်ယေရှု၏ တပည့်တော်၊ သခင်ယေရှုထံမှ ငွေကို အမြဲတမ်းခိုးယူပြီး သုံးဖြုန်းခဲ့သူ၊ ကိုယ်တော်၏ နှုတ်ကပတ်တော်များကို မမြတ်နိုးသောသူ နှင့် သမ္မာတရားကို လုံးဝ မနှစ်သက်သောသူ ယုဒရှာကာယုတ် ရှိပါသည်။ သူသည် သခင်ယေရှုကိုလည်း ငွေစ ၃၀ နှင့် ရောင်းစားခဲ့သည်၊ ထိုသို့ဖြင့် ဘုရားသခင်၏ စိတ်သဘောထားကို ပြင်းပြင်းထန်ထန် ပုန်ကန်ပြစ်မှားပြီး နောက်ဆုံးမှာ ဘုရားသခင်အားဖြင့် ကျိန်ဆဲခံရကာ အစာအိပ်ပွင့်ထွက် သေဆုံးခဲ့သည့် အရှက်ရစရာ သစ္စာဖောက်တစ်ဦး ဖြစ်လာခဲ့သည်။ သူတို့၏ မြေကို ရောင်းရာမှ ရသည့်ငွေ၏ ဝေစုတစ်စုကို တိတ်တဆိတ် သိမ်းထားခဲ့သည့် အာနနိ နှင့် သူ၏ မိန်းမ ဇာတ်လမ်းလည်းရှိပါသည်။ ဤအရာကို လုပ်ဆောင်ခြင်းအားဖြင့်၊ သူတို့သည် အခြားသူများကို လိမ်လည်လှည့်စားခဲ့ရုံမျှမက၊ သန့်ရှင်းသော ဝိညာဉ်တော်ကိုလည်း သူတို့ ဗြောင်ကျကျ လိမ်ခဲ့ကြသည်။ ထိုသို့အားဖြင့် သူတို့သည် ဘုရားသခင်၏ စိတ်သဘောထားကို ပုန်ကန်ပြစ်မှားခဲ့ကြပြီး ဘုရားသခင်က သူတို့ကို ရိုက်နှက်ခဲ့သည်။ ဘုရားသခင်၏ လုက်ဆောင်ချက်အကြောင်း ဤအချက်အလက်များက ဘုရားသခင်၏ စိတ်သဘောထားမှာ ကရုဏာတရားရှိပြီး ချစ်ခင်တတ်ရုံမျှမက ဘုန်းအာနုဘော်တော်ဖြစ်ပြီး အမျက်ဒေါသလည်း ရှိသည်ကို သက်သေပြပါသည်၊ ဤသည်မှာ ဘုရားသခင်၏ ဖြောင့်မတ်သော စိတ်သဘောထား၏ ပြယုဂ်ဖြစ်ပါသည်။ သူ၏ ကိုယ်ပိုင်လက်တော်များဖြင့် ဖန်ဆင်းခဲ့သည့် လူသားမျိုးနွယ်ကို ဘုရားသခင်က ချစ်သော်လည်း၊ သူ့ကို ပုန်ကန်သူများနှင့် ဗြောင်ကျကျ ဆန့်ကျင်သူများကို၊ သူသည် လေးနက်သော အမျက်ဒေါသဖြစ်သည့် သူ၏ ဖြောင့်မတ်သော စိတ်သဘောထားအနေဖြင့် အခြားတစ်ဖက်ကို ထုတ်ဖော်ပြလေသည်။ဤနည်းအတိုင်း၊ သခင်ယေရှု၏ ကရုဏာနှင့် ချစ်ခြင်းမေတ္တာတို့ကို ကျွန်မတို့အပေါ် အတောမသတ် အပ်နှင်းမခံရသည်ကို ကျွန်မ သိနားလည်လာခဲ့ပါသည်။ ကျွန်မတို့က ဘုရားသခင်၏ လမ်းခရီးနောက်မလိုက်ပဲ ဘုရားသခင်ကို အာခံပြီး သူ့ကို ရန်လိုသော လုပ်ရပ်လုပ်ဆောင်သောအခါ၊ ကျွန်မတို့အပေါ် သူ၏ ဘုန်းအာနုဘော်နှင့် အမျက်ဒေါသကို သူ စေလွှတ်ပြီး ကျွန်မတို့ ကိုယ်စား သခင်ယေရှု ပြုလုပ်ခဲ့တဲ့ အပြစ်ဖြေယဇ်ပူဇော်ခြင်းက ထိုအခါ ပျက်ပြယ်သွားပါသည်။ သမ္မာကျမ်းစာက၊ “အကြောင်းမူကား၊ သမ္မာတရားကို သိပြီးမှ ကိုယ်အလိုသို့လိုက်၍ပြစ်မှားပြန်လျှင်၊ နောက်တဖန် အပြစ်ဖြေသောယဇ်ကို ပူဇော်ရာအခွင့် မရှိ။” (ဟေဗြဲသြဝါဒစာ ၁ဝ:၂၆) ဟု ပြောထားသည့်အတိုင်း ဖြစ်ပါသည်။
သို့သော်၊ သမ္မာတရားကို ချစ်သောသူ၊ သမ္မာတရားကို လက်ခံသောသူ၊ အမှန်တကယ်နောင်တရပြီး ဘုရားသခင်၏ နှုတ်ကပတ်တော်များကို လိုက်နာနိုင်သော သူတို့မှာ သန့်ရှင်းသော ဝိညာဉ်တော်ကို ဆန့်ကျင် ပြစ်မှားစော်ကားခြင်းမရှိသရွေ့၊ ဘုရားသခင်သည် သူတို့အပေါ် အမြဲ သနားကရုဏာရှိမည်ဖြစ်ပြီး ချစ်ခင်လိမ့်မည်ဖြစ်သည်။ ဥပမာအားဖြင့်၊ သခင်ယေရှု၏ နောက်လိုက်များဖြစ်ကြသော ပေတရုနှင့် ယောဟန်တို့အပြင် နောင်တရပြီး သခင့်ထံ ဝန်ချခဲ့သည့် အခွန်ခံ မဿဲတို့ကို ကြည့်ပါ။ သခင်ယေရှု၏ ခေါ်ခြင်းကို သူတို့ကြားသောအခါ၊ အရာအားလုံးကို သူတို့ စွန့်လွှတ်ပြီး သူ့နောက်လိုက်ခဲ့ကြသည်။ သူ၏ တရားဒေသနာများကို ကြိုးကြိုးစားစား သူတို့ နားထောင်ခဲ့ကြသည်၊ သူ့နှုတ်ကပတ်တော်များကို သူတို့ ဆာငတ်ခဲ့ကြပြီး သခင်ယေရှုက သူတို့ကို သနာကရုဏာနှင့် ချစ်ခြင်းတို့ဖြင့် ဆက်ဆံခဲ့ပါသည်။ သူတို့နှင့်တွဲဖက်၍လည်း မကြာခဏ သခင်ယေရှု အသက်ရှင်နေထုင်ခဲ့သည်၊ သူ၏ကောင်းကြီးမင်္ဂလာများနှင့် ဦးဆောင်လမ်းပြမှုကို သူတို့အား ပေးနေခဲ့ပါသည်။ ထိုအချိတန်တွင်၊ သခင်ယေရှု ဆောင်ရွက်ရမည့် အမှုတော်ကို ပေတရုက နားမလည်ခဲ့ဘဲ၊ သခင် ကားစင်တင်မခံရမီတွင် သူ၏ စိတ်ရင်းစေတနာဖြင့် ဘုရားသခင်၏ အမှုတော်ကို တားဆီးဖို့ သူကြိုးစားခဲ့သည်၊ ဤအကြောင်းကြောင့် သူသည် စာတန်၏ လက်ပါးစေတစ်ဦး ဖြစ်လာခဲ့ပါသည်။ သူက- “သခင်၊ ကိုယ်တော်၌ ဤသို့မဖြစ်ပါစေနှင့်။ ဤအမှုသည် ကိုယ်တော်၌ မရောက်ရာ။” (ရှင်မဿဲခရစ်ဝင် ၁၆:၂၂) ဟု ပြောသောအခါ၊ သခင်က၊ “အချင်းရန်သူ၊ ငါ့နောက်သို့ဆုတ်လော့။” (ရှင်မဿဲခရစ်ဝင် ၁၆:၂၃) ဟု ဆိုရင်း သူ့ကို ပြင်းပြင်းထန်ထန် ပြစ်တင်မောင်းမဲခဲ့သည်။ ဤနှုတ်ကပတ်တော်များမှ၊ ပေတရု၏ လုပ်ဆောင်ချက်ကို သခင်ယေရှုက စက်ဆုပ်ခဲ့သည်ကို မြင်နိုင်ပါသည်။ သို့တိုင် သခင်က လူတို့၏ စိတ်နှလုံးများကို စေ့စေ့စပ်စပ် ကြည့်ရှုစစ်ဆေးပြီး လူတို့၏ ဝိညာဉ်ရေးအသက်တာများ မရင့်ကျက်မှုကို သူခွင့်လွှတ်ပါသည်၊ ထို့ကြောင့် သူသည် ပေတရုကို အပြစ်မပေးခဲ့ဘဲ၊ ယင်းအစား သူ့ကို နောင်တရဖို့ အခွင့်အရေး ပေးခဲ့ပါသည်။ သူ လုပ်ခဲ့သည့်အရာကို ပေတရုက သဘောပေါက်လိုက်သည့်အခါ၊ သူ၏ လုပ်ဆောင်ချက်အတွက် နောင်တကို မကြာခဏ သူခံစားခဲ့ရပြီး၊ နောက်ဆုံးတွင်၊ သခင်က ပေတရု၏ အပြစ်ကို အမှတ်မရတော့ဘဲ၊ ယင်းအစား အသင်းတော်ကို ထိန်းကျောင်းသည့်အလုပ် သူ့ကို ပေးခဲ့လေသည်။
ထို့နောက်တွင်၊ သခင်ယေရှု၏ စိတ်သဘောထားမှာ ချစ်ခင်တတ်ပြီး သနားကရုဏာရှိသည်မျှသာမဟုတ်ဘဲ၊ ဖြောင့်မတ်ကာ ဘုန်းအာနုဘော်ဖြစ်ပြီး အမျက်ဒေါသလည်း ရှိသည်ကို ကျွန်မ သေချာလာခဲ့ပါသည်။ ကျွန်မတို့က သခင့်၏ မေတ္တာနှင့် ကရုဏာတို့ကို မွေ့လျော်ပြီးကြသောကြောင့် သခင်ယေရှုကို ချစ်ခင်တတ်ပြီး သနားကရုဏာနှင့်ပြည့်သည့် ဘုရားသခင်အဖြစ်သာ ကျွန်မတို့ အစဉ်အမြဲ ဘောင်ခတ်မိပါက၊ ကျွန်မတို့ မည်သည့်အပြစ်ကို လုပ်နိုင်ပါလေ့စေ ဘုရားသခင်က ကျွန်မတို့ကို ဒေါသလုံးဝထွက်မည်မဟုတ်ဘဲ ယင်းအစား ကျွန်မတို့အပေါ် သနားကရုဏာရှိပြီး သက်ညှာပေးလိမ့်မည်ဟု ကျွန်မတို့ ယုံကြည်ပါက၊ ဘုရားသခင်ကို ကျွန်မတို့ ကြောက်ရွံ့သည့် စိတ်နှလုံးကင်းမဲ့မှုကြောင့် ကျွန်မတို့၏ လုပ်ဆောင်ချက်များဖြင့် ဘုရားသခင်ကို အလိုမကျဖြစ်စေပြီး သူ၏ စိတ်သဘောထားကို ပုန်ကန်ပြစ်မှားလေ့ရှိလိမ့်မည်ဖြစ်ပါသည်။ ထို့နောက်တွင် ဘုရားသခင့်နှုတ်ကပတ်တော်များ၏ နောက်ထပ်ကျမ်းပိုဒ်ကို ကျွန်မ ဖတ်ခဲ့ရပါသည်- “ဘုရားသခင်သည် အသက်ရှင်သော ဘုရားသခင်ဖြစ်ပြီး လူတို့က ခြားနားသော အခြေအနေများတွင် ခြားနားစွာ ပြုမူကြသကဲ့သို့၊ ဘုရားသခင်သည် ရုပ်သေးရုပ်တစ်ရုပ် မဟုတ်သကဲ့သို့ ဘာမျှမရှိသော လေတစ်ပွေ မဟုတ်သောကြောင့်၊ ဤပြုမူချက်များအပေါ် သူ၏သဘောထားမှာ ကွဲပြား ပေသည်။ ဘုရားသခင်၏ သဘောထားကိုသိရခြင်းမှာ လူသားမျိုးနွယ် အတွက် ထိုက်သင့်သော လေ့လာလိုက်စားမှု တစ်ခုပင် ဖြစ်သည်။ လူတို့သည် ဘုရားသခင်၏ သဘောထားကို သိခြင်းအားဖြင့် ဘုရားသခင်၏ စိတ်သဘောထားကို တဖြည်းဖြည်းချင်း မည်ကဲ့သို့သိနိုင်မည့်အကြောင်းနှင့် သူ၏စိတ်နှလုံးကို နားလည်လာရန် လေ့လာသင်ယူသင့်သည်။ သင်သည် ဘုရားသခင်၏ စိတ်နှလုံးကို တဖြည်းဖြည်းချင်း နားလည်လာသောအခါ၊ ဘုရားသခင်ကို ကြောက်ရွံ့ပြီး မကောင်းမှုကို ရှောင်ခြင်းမှာ လုပ်ဆောင်ပြီးမြောက်ဖို့ အင်မတန်ခက်ခဲသောအရာတစ်ခု ဖြစ်သည်ဟု သင်ခံစားရလိမ့်မည် မဟုတ်ပေ။ ထိုမျှမက သင်သည် ဘုရားသခင်ကို နားလည်သည့်အခါ၊ သင်သည် သူနှင့်ပတ်သက်၍ ကောက်ချက်များချရန် အလားအလာ ရှိတော့မည် မဟုတ်ပေ။ ဘုရားသခင်အကြောင်း ကောက်ချက်များချခြင်းကို သင် ရပ်လိုက်သည့်အခါ၊ သင်သည် ဘုရားသခင်ကို ပြစ်မှားရန် အလားအလာ လျော့နည်းသွားမည် ဖြစ်ပြီး ဘုရားသခင်သည် သင့်အား သူ၏အကြောင်း သိကျွမ်းခြင်းရရှိစေရန် သင်သတိမထားလိုက်ဘဲ၊ ဦးဆောင်သွားမည် ဖြစ်သဖြင့် ဤအရာက သင်၏စိတ်နှလုံးကို ဘုရားသခင်အား ချစ်ကြောက်ရိုသေနှင့် ပြည့်ဝစေလိမ့်မည် ဖြစ်သည်။ ထိုအခါ သင်ကျွမ်းကျင်တတ်မြောက်သော သြဝါဒများ၊ ကျမ်းဟောင်းတရားများနှင့် အယူအဆ သဘောတရားများကို အသုံးပြု၍ ဘုရားသခင်အား အဓိပ္ပာယ်ဖွင့်ခြင်းကို သင်ရပ်တန့်လိမ့်မည် ဖြစ်သည်။ ထိုအစား အရာခပ်သိမ်း၌ ဘုရားသခင်၏ ရည်ရွယ်ချက်များကို အစဉ်ရှာဖွေခြင်းဖြင့် သင်သည် ဘုရားသခင်၏ စိတ်နှလုံးနှင့် ညီညွတ်သော လူတစ်ဦး ဖြစ်မှန်းမသိ ဖြစ်လာလေမည်။”
ဤကျမ်းပိုဒ်က၊ ဘုရားသခင်၏ စိတ်သဘောထားကို သိရှိခြင်းအားဖြင့်သာ ကျွန်မတို့ ကြုံရသည့် ကိစ္စရပ်တိုင်းကို သတိနှင့် ဂရုတစိုက် ချည်းကပ်နိုင်လိမ့်မည်ဖြစ်သည်ကို နားလည်စေခဲ့ပါသည်။ အထူးသဖြင့် သခင့် ပြန်ကြွလာခြင်းကို ကျွန်မတို့ ကြိုဆိုကြသည့် အတောအတွင်းဖြစ်သော နောက်ဆုံးသော ကာလ၏ ဤအရေးပါလှသည့် အချိန်တွင်၊ တနည်းနည်းဖြင့် သခင့်ကို ဘောင်ခတ်သင့်သည်ကို မပြောနှင့်၊ နောက်ဆုံးသော ကာလတွင် သခင် အဘယ်သို့ ပြန်ကြွလာမည်၊ မည်သည့် အမှုကို သူပြုမည်၊ ဟူသည့် အရာများကို ကျွန်မတို့၏ ကိုယ်ပိုင် အတွေးအခေါ်များနှင့် စိတ်ကူးများပေါ် အခြေခံပြီး ကျွန်မတို့ မဆုံးဖြတ်နိုင်ကြပါ။ ဘုရားသခင်ကို ဘောင်ခတ်ခြင်း နှင့် အာခံခြင်း၊ ဘုရားသခင်၏ စိတ်သဘောထားကို ပုန်ကန်ပြစ်မှားခြင်း နှင့် ကျွန်မတို့၏ ကိုယ်ပိုင် နားလည်မှုလွဲခြင်းများနှင့် စိတ်ကူးများအပေါ် မှီခိုခြင်းအားဖြင့် ဖာရိရှဲများကဲ့သို့ တူညီသော အမှားကို ကျူးလွန်မိခြင်းတို့ကို ရှောင်ရှားဖို့ရန် အရာခပ်သိမ်းတွင် ဘုရားကို ကြောက်ရွံ့သော စိတ်နှလုံး ထားသိုရမည်ဖြစ်ပြီး ပိုမို ရှာဖွေရပါမည်။ ဘုရားသခင်၏ စိတ်သဘောထားကို သိနားလည်ခြင်းသည် ဘုရားသခင်၌ ယုံကြည်သူ အယောက်စီတိုင်းအဖို့ အလွန့်အလွန် အရေးကြီးသည်မှာ သိသာထင်ရှားပါသည်။
သင်နှစ်သက်နိုင်သည့် အရာများ
ဆုတောင်းရန်နည်းလမ်း- ဖြေရှင်းရမည့် အဓိကပြဿနာ (၃) ခု
ဂျန်းလျန်း ခရစ်ယာန်များအနေဖြင့် ဆုတောင်းခြင်းသည် ကျွန်တော်တို့ နေ့စဉ်အသက်တာ၏ မရှိမဖြစ်သော အစိတ်အပိုင်းတစ်ခုဖြစ် ပြီး ဘုရားသခင်ထံ တိုးဝင်နီးကပ်ဖို့ တိုက်ရိုက်အကျဆုံးသော နည်းလမ်းတစ်ခုလည်း ဖြစ်သည်။ ကျွန်တော်တို့ ဆုတောင်းခြင်းများကို သခင်နားညောင်းနိုင်ဖို့ ကျွန်တော်တို့ အားလုံး မျှော်လင့်ကြသော်လည်း၊ ကျွန်တော်တို့က မကြာခဏဆိုသကဲ့သို့ ဘုရားသခင်၏ တုန့်ပြန်မှုကို လက်ခံမရရှိသကဲ့သို့၊ ကိုယ်တော်၏ မျက်မှောက်တော်ကို မခံစားရပဲနှင့် ကျွန်တော်တို့ လမ်းပျောက်ပြီး ကျန်ခဲ့ကြသည်၊ ဤသည်မှာ အဘယ့်ကြောင့်နည်း။ ဘုရားသခင်က ကျွန်တော်တို့ ဆုတောင်းခြင်းများကို အဘယ့်ကြောင့် နားမညောင်းသနည်း။ ဘုရားသခင်၏ အလိုတော်နှင့် ကိုက်ညီသည့် ဆုတောင်းခြင်းအမျိုးအစားများမှာ အဘယ်နည်း။ ယနေ့ ဤအကြောင်းကို မိတ်သဟာယပြုကြပါစို့၊ ပြီးလျှင် ဤပြဿနာ သုံးရပ်ကို ဖြေရှင်းခြင်းအားဖြင့် ကျွန်တော်တို့ ဆုတောင်းခြင်းများကို ဘုရားသခင် နားညောင်းနိုင်ပါသည်။ ၁။ ဆုတောင်းခြင်းတွင် […]
ကယ်တင်ရှင်သည် သူ ကြွလာချိန်တွင် လူသားမျိုးနွယ်ကို မည်သို့ကယ်တင်သနည်း
ကယ်တင်ရှင်အကြောင်း ဆွေးနွေးတဲ့အခါ နောက်ဆုံးသော ကာလမှာ လူသားမျိုးနွယ်ကို ကယ်တင်ဖို့ ကမ္ဘာမြေကို သူ ကြွလာဖို့ သေချာတယ်လို့ ယုံကြည်သူအားလုံးက လက်ခံကြတယ်။ ကယ်တင်ရှင်က နောက်ဆုံးသော ကာလမှာ ကြွလာမယ်လို့ ပရောဖက်တွေအများကြီးက ပြောထားပြီးပြီ။ ဒီတော့ ကယ်တင်ရှင်က ဘယ်သူများလဲ။ မတူတဲ့ ဂိုဏ်းဂဏတွေက မတူတဲ့ ရှင်းလင်းချက်တွေ ရှိတယ်၊ ပြီးတော့ သူနဲ့ပတ်သက်ပြီး ဘာသာတရား အမျိုးမျိုးက မတူတာတွေ ပြောကြတယ်။ ဘယ်သူက စစ်မှန်တဲ့ ကယ်တင်ရှင်လဲ။ စစ်မှန်တဲ့ ကယ်တင်ရှင်က ကောင်းကင်၊ မြေကြီးနဲ့ အရာခပ်သိမ်းကို ဖန်ဆင်းခဲ့တဲ့ အရှင်ဖြစ်ပြီး၊ စစ်မှန်တဲ့ တစ်ပါးတည်းသော ဖန်ဆင်းရှင် ဘုရားဖြစ်တယ်။ အရာရာကို ဖန်ဆင်းခဲ့တဲ့ သခင်ကပဲ စစ်မှန်တဲ့ တစ်ပါးတည်းသော ဘုရားဖြစ်ပြီး၊ လူ့ဇာတိခံ စစ်မှန်တဲ့ ဘုရားကသာ […]
ဧဝံဂေလိတရားတော် ဆိုသည်မှာ အဘယ်နည်း
ဝူရမ်း တရုတ်ပြည် ဧဝံဂေလိသည် ကျွန်ုပ်တို့အတွက် သတင်းကောင်းဖြစ်သည်။ ဓမ္မဟောင်းကျမ်း ပညတ်တော်ခေတ်၏ အစတွင် ဘုရားသခင်သည် မောရှေကို ကိုယ်တော်တိုင် ခေါ်ဆောင်တော်မူပြီး၊ ဣသရေလလူမျိုး တို့ကို လမ်းပြရန် ပညတ်တော် ၆၁၃ ပါးကို ပေးသနားတော်မူဖို့အတွက် သူ့ကို အသုံးပြုခဲ့သည်။ ဣသရေလလူမျိုးများအတွက် ထိုပညတ်တော်များသည် ဘုရားသခင်က သူတို့အပေါ်သို့ ပေးအပ်နှင်း တော်မူသည့် သတင်းကောင်းဖြစ်ပြီး၊ ဆိုလိုသည်မှာ ဘုရားသခင်၏ ဧဝံဂေလိသည် သူတို့ထံသို့ ရောက်လာသည်ဟု ဖြစ်သည်။ ဤအချက်က ယေဟောဝါ ဘုရားသခင်သည် သူတို့ကို ကိုယ်တော်တိုင် ဦးဆောင်ပြီး၊ သူတို့အကြားတွင် ထင်ထင်ရှားရှား ပေါ်ထွန်းခဲ့ပြီဟု ဖြစ်သည်။ ယေဟောဝါဘုရားသခင်က “ငါ့ကိုချစ်၍ ငါ့ပညတ်တို့ကိုကျင့်သော သူတို့၏ အမျိုးအစဉ်အဆက် အထောင်အသောင်းတိုင်အောင် ကရုဏာကို ပြ...၏။” (တရားဟောရာကျမ်း ၅:၁၀) ဟု […]
“အမှုပြီးပြီ”ဟု ဆိုခဲ့ချိန်တွင် သခင်ယေရှုက အမှန်တကယ် မည်သည့်အရာကို ဆိုလိုခဲ့သနည်း
ခရစ်ယာန်တွေ ယုံကြည်တာက ကားတိုင်မှာ “အမှုပြီးပြီ။”လို့ သခင်ယေရှု ပြောတဲ့အချိန်မှာ၊ လူသားမျိုးနွယ်ကို ကယ်တင်တဲ့ ဘုရားရဲ့ အမှုတော် ပြီးပြည့်စုံတာကို ပြောတာလို့ပေါ့။ ဒါကြောင့် သခင်ပြန်ကြွလာတဲ့အခါ နောက်ထပ် ကယ်တင်ခြင်း အမှု လုပ်စရာလိုမှာ မဟုတ်ဘဲ၊ သခင်နဲ့ ဆုံဖို့ ယုံကြည်သူအားလုံးကို ကောင်းကင်ကို ချီမရုံချီမယ်၊ ကောင်းကင်ဘုံကို ကျွန်တော်တို့ကို ခေါ်သွားမှာဖြစ်ပြီး အဲဒါပဲ ဖြစ်မယ်လို့ အသေအချာ ခံစားကြရတယ်။ ဒါကသခင့်ထဲက ယုံကြည်သူတွေ ခိုင်ခိုင်မာမာ ယုံကြည်ကြတဲ့အရာတစ်ခုပါ။ အဲဒါကြောင့် အများကြီးက သူတို့ကို သခင့်ရဲ့ နိုင်ငံတော်ထဲ တန်းခေါ်သွားအောင် အကြောင်းမဲ့သက်သက် သခင့်ကို စောင့်ဆိုင်းရင်းနဲ့ ကောင်းကင်ကို အမြဲငေးကြည့်ကြတယ်။ ဒါပေမယ့် ကပ်ဘေးကြီးတွေ ကျရောက်ပြီးပြီဖြစ်သလို၊ အများစုက သခင့်ရဲ့ ကြွလာခြင်းကို မမြင်ကြသေးလို့၊ သူတို့ရဲ့ ယုံကြည်ခြင်းက […]
